Uzbekistan Airways самолётларида интернет бўлади

Uzbekistan Airways компанияси самолётларда юқори тезликдаги сунъий йўлдош интернети хизматини жорий этади, деб хабар берди авиакомпания матбуот хизматига таяниб kursiv.media ёзди.

Авиаташувчи Саудия Арабистонининг Neo Space Group (NSG) компанияси билан стратегик ҳамкорлик тўғрисида келишув имзолади. NSG – сунъий йўлдош технологиялари (IFC) бўйича мутахассис компания бўлиб, SES Open Orbits глобал йўлдош тармоғи орқали хизмат кўрсатади.

Оператор маълум қилишича, ушбу интернет Airbus A321neo самолётларида жорий этилади ва хизмат 2026 йилдан йўлга қўйилади.

Йўловчилар парвоз пайтида хабар юбориш, видеоларни томоша қилиш ёки масофавий иш фаолиятини амалга ошириш имконига эга бўлади. Йўлдош тармоғи орқали узлуксиз ва юқори тезликдаги интернет тақдим этилади. “Замин” янгиликларини “Telegram”да кузатиб боринг