Андижонда 6 миллиард долларлик янги лойиҳалар бошланади

Андижон вилоятининг 2025 йилдаги ижтимоий-иқтисодий ривожланиш режалари тақдимоти доирасида Президент Шавкат Мирзиёев иштирок этди, деб UPL.uz сайти хабар берди. Режага кўра, умумий қиймати 5,7 миллиард доллар (тақрибан 72,4 трлн сўм) бўлган 166 та янги инвестиция лойиҳаси амалга оширилади. Бу лойиҳалар 31 мингта янги иш ўрни яратишга хизмат қилади.

Янги корхоналар ҳудудда илгари ишлаб чиқарилмаган 31 турдаги маҳсулотни тайёрлашни бошлайди. Бу эса экспорт салоҳиятини 1,5 миллиард долларга (тақрибан 19 трлн сўм) оширишга хизмат қилади. Янги ва мавжуд ишлаб чиқаришларни барқарор ишлатиш учун 65 мегаватт қўшимча энергия қувватлари ишга туширилади.

2025 йилда Андижон вилояти иқтисодиётининг 5,5% ўсиши кутилмоқда. Шунингдек, жорий йилда 305 минг аҳолини бандлик билан таъминлаш устувор вазифалардан бири этиб белгиланган.

Президент масъул шахсларга лойиҳаларни ўз вақтида амалга ошириш, аҳоли учун барқарор даромад манбалари яратиш ва иш излаётганлар учун касбий ўқув дастурларини ташкил этиш бўйича кўрсатмалар берди. «Замин»ни Telegram’да ўқинг!