Октябрдан Тошкент боғларида итли патруль ишга тушади

2025 йил октябридан бошлаб Тошкент шаҳрининг боғ ва истироҳат масканларида "собачий патруль" — хизмат итлари орқали жамоат хавфсизлигини таъминлаш бўйича экспериментал лойиҳа амалга оширилади, деб хабар берди Nova24.uz.

Лойиҳа 2025 йил 1 октябрдан 2026 йил 30 сентябргача тест тарзида амалга оширилади. Миллий гвардия буюртмаси билан махсус ўқитилган хизмат итлари наркотик воситалар, психотроп моддалар ва уларнинг аналогларини аниқлаш мақсадида жамоат жойларини кузатиб боради.

Қуйидаги боғлар ва масканларда кинологик постлар ташкил этилади: Ботаника боғи, Фурқат боғи, Tashkent City, «Анҳор-Локомотив», «Наврўз», Magic City, «Миллий боғ», Ғафур Ғулом боғи, Green Park, Мирзо Улуғбек боғи, «Локомотив» ва «Ашхобод» боғи.

Итларни тайёрлаш Божхона қўмитаси қошидаги Миллий кинологик марказда "наркотик қидириш" ва "антитеррор" йўналишларида амалга оширилган. Тошкент шаҳар Миллий гвардия бошқармаси ҳамда ИИББ кинология бўлими ушбу патрульни амалга оширади. Агар лойиҳа самарали деб топилса, бутун республика бўйлаб жорий этилиши мумкин. «Замин»ни Telegram’да ўқинг!