«Қуйлюк» бозори ёпилмайди — Тошкент шаҳар ҳокимияти

Тошкент шаҳар ҳокимияти «Қуйлюк» бозори ёпилмаслигини, балки унинг фаолияти оптималлаштирилишини маълум қилди, деб Kursiv Media хабар берди. Бозорда реконструкция ва ободонлаштириш ишлари босқичма-босқич амалга оширилади, савдо эса тўхтатилмайди.

Ҳокимият маълумотларига кўра, бозорда санитария қоидалари бузилиши, хавфсизлик талабларига риоя қилинмаслиги ва ноқонуний савдо каби муаммолар мавжуд. Шунинг учун бозорни шаҳар ва халқаро стандартларга мослаштириш режалаштирилган.

Қайта қуриш жараёнида инфратузилма янгиланади, савдо учун қулайликлар яратилади ва рақамли технологиялар жорий этилади. Бу орқали солиқ шаффофлиги таъминланиши ва «сояли» иқтисодиёт улуши камайтирилиши кўзда тутилмоқда. «Замин»ни Telegram’да ўқинг!