Самарқандда Рим номи берилган кўча пайдо бўлди

Ўзбекистон ва Италия ўртасидаги юқори даражадаги музокаралар якунлари доирасида Самарқанддаги Халқаро конгресс марказида тантанали маросим бўлиб ўтди, деб UPL.uz хабар берди. Унда шаҳар кўчаларидан бирига Италия пойтахти — Рим номи берилди.

Бу қарор икки мамлакат ўртасидаги маданий ва стратегик алоқалар мустаҳкамланаётганини таъкидлайди. Президент Шавкат Мирзиёев ушбу муҳим воқеани изоҳлар экан, бу қарор Ўзбекистон ва Италия ўртасидаги кўп асрлик тарихий ва маданий алоқаларни ҳисобга олган ҳолда қабул қилинганини қайд этди.

Шунингдек, мазкур ном бериш икки давлат ўртасидаги юқори даражадаги стратегик ҳамкорлик муносабатларини ифода этади. Самарқанддаги кўчалардан бирига Рим номи берилиши Ўзбекистон ва Италия халқлари ўртасидаги дўстлик ва ўзаро hurмат рамзи ҳисобланади.

Самарқанд — қадимги цивилизациялар чорраҳаси ва Буюк ипак йўлининг муҳим нуқталаридан бири сифатида — энди Ғарб цивилизациясининг тимсоли бўлмиш Рим билан янада яқинроқ боғланади. Бу кўча номи ўзаро англашув ва ҳамкорликни мустаҳкамлашда янги кўприкка айланиши кутилмоқда.

Маросим Ўзбекистон ва Италия ўртасидаги ҳамкорликни ҳар томонлама кенгайтиришга бўлган интилиш ва ўзаро қизиқишнинг ёрқин далили бўлди