Speedtest Global Index'нинг 2025 йил май ойи учун нашр этилган ҳисоботига кўра, Ўзбекистон мобиль ва симли интернет тезлиги бўйича жаҳон рейтингида ўз ўрнини яхшилади, деб UPL.uz хабар берди.
Мамлакатда телеком инфратузилмаси тараққиётига қаратилган изчил саъй-ҳаракатлар натижасида мобиль интернет бўйича Ўзбекистон 71-ўринга кўтарилди. Бу апрель ойига нисбатан бир поғона юқори. Мамлакатда ўртача мобиль интернет тезлиги 55,34 Мбит/с ташкил қилган.
Шунингдек, симли интернет бўйича ҳам ўсиш қайд этилди: Ўзбекистон 76-ўриндан 72-ўринга кўтарилди. Умумий ўртача симли интернет тезлиги 87,23 Мбит/с ни ташкил қилмоқда.
Тошкент, Самарқанд ва Бухоро шаҳарларида 5G тармоқларини жорий этиш ва 4G қопламини кенгайтириш лойиҳалари амалга оширилмоқда. Шу билан бирга, Фарғона ва Андижон вилоятларида ҳам ҳокимиятлар интернет инфратузилмасини ривожлантиришни қўллаб-қувватламоқда.
Мобил интернет бўйича етакчи мамлакат деб Бирлашган Араб Амирликлари (539,84 Мбит/с), симли интернетда эса Сингапур (372,02 Мбит/с) қайд этилган.
Ўзбекистонда IT соҳасини ривожлантириш, IT-парклар ташкил этиш ва мутахассислар тайёрлаш каби дастурлар интернет тезлигини ошириш ва рақамли иқтисодиётни кенгайтиришга ҳисса қўшмоқда. «Замин»ни Telegram’да ўқинг!
Ctrl
Enter
Хато топдИнгизми
Иборани ажратиб Ctrl+Enter тугмасини босинг Мавзуга оид янгиликлар
