Fitch Ratings халқаро агентлиги Ўзбекистоннинг узоқ муддатли валютадаги кредит рейтингини бир поғонага ошириб, “BB-”дан “BB”га кўтарди, деб Nova24.uz хабар берди.
Ушбу рейтинг давлатнинг ташқи қарзларини ўз вақтида тўлаш қобилиятини акс эттиради. Рейтинг қанча юқори бўлса, қарзни қайтармаслик хавфи шунча кам бўлади. Илгари “BB-” даражаси “спекулятив” ёки “инвестициявий эмас” рейтинг сифатида баҳоланган эди.
Янги “BB” рейтинги Ўзбекистоннинг кредиторлар назарида ишончлироқ давлатга айланганини англатади. Бу рейтинг халқаро қарз олиш имкониятларини яхшилайди ва чет эл инвесторларини жалб қилишни осонлаштиради. Рейтингнинг ошиши иқтисодий ислоҳотлар жадаллиги ва ўрта муддатли барқарор ўсиш истиқболлари билан боғлиқ.
Ислоҳотлар қаторида пул-кредит сиёсати механизмларига ишончни ошириш, давлат муассасалари очиқлигини таъминлаш, хусусийлаштиришни илгари суриш каби чоралар мавжуд. 2024 йилда давлат бюджетининг ижобий натижалари энергия тарифларининг либераллашуви ва субсидия тизими ислоҳоти билан боғлиқ.
Агентлик 2025–2026 йилларда ҳам иқтисодий ўсиш 6,3% даражада бўлишини прогноз қилмоқда. Бу ўсишга ислоҳотлар, хом ашё (айниқса, олтин)га барқарор талаб ва пул ўтказмаларининг кўпайиши асос бўлади.
Шу билан бирга, агентлик рейтингни пасайтириш хавфини ҳам қайд этди. Бундай ҳолат, масалан, пул ўтказмалари ҳажмининг кескин камайиши, хом ашё нархларининг узоқ муддат тушиши, савдо балансида катта танқислик юзага келиши каби омиллар билан боғлиқ бўлиши мумкин.
Бундан ташқари, иқтисодий ўсиш суръатларининг пасайиши, бюджет харажатларининг ортиши, миллий валютанинг кескин қадрсизланиши ёки давлат кафолатларининг амалга оширилиши ҳам салбий таъсир кўрсатиши мумкин.
Рейтингнинг янада яхшиланиши structural ислоҳотларнинг изчил ва тез суръатда олиб борилиши, макроиқтисодий барқарорлик ва бошқарув сифатининг ошишига боғлиқ бўлади. «Замин»ни Telegram’да ўқинг!
Ctrl
Enter
Хато топдИнгизми
Иборани ажратиб Ctrl+Enter тугмасини босинг Мавзуга оид янгиликлар
