Ўзбекистон ҳудудида Хабаровск (Россия)дан келтириладиган қизил икра ва балиқ маҳсулотларини сақлаш учун омбор қуриш режалаштирилмоқда, деб Kursiv Media хабар берди. Бу ҳақда Хабаровск ўлкаси раҳбари Дмитрий Демешин маълум қилди.
Лойиҳа Ўзбекистоннинг Россиядаги фавқулодда ва мухтор элчиси Ботиржон Асадов билан губернатор ўртасидаги учрашувда муҳокама қилинди. Ушбу омбор Ўзбекистонда балиқ маҳсулотлари импорт ҳажмини оширишга хизмат қилади. Шунингдек, омбор Марказий Осиёнинг бошқа мамлакатларига ҳам етказиб бериш учун фойдаланилади.
Шу билан бирга, томонлар Хабаровскка ўзбек меваларини экспорт қилиш ҳамда гуманитар ҳамкорлик масалаларини муҳокама қилишди. Демешин Хабаровск ва Самарқанд ўртасида тўғридан-тўғри авиақатновлар йўлга қўйилишини маълум қилди. Ҳозирда бу йўналишда рейслар Тошкентга амалга оширилмоқда. «Замин»ни Telegram’да ўқинг!
Ctrl
Enter
Хато топдИнгизми
Иборани ажратиб Ctrl+Enter тугмасини босинг Мавзуга оид янгиликлар
