Тошкент вилоятининг Бурчмулла ҳудудида шамол электр станцияси қуриш режалаштирилмоқда, деб хабар берди ҳудудий ҳокимлик матбуот хизмати, деб Kursiv media ёзди.
Лойиҳа бўйича шамол станцияси йилига 129,6 миллион кВт/соат электр энергияси ишлаб чиқаради. Бу қурилиш учун 10 гектар ер майдони ажратилган.
Станциянинг лойиҳавий қуввати 20 мегаваттни ташкил этади. Ушбу лойиҳа умумий 28 миллион доллар (тақрибан 354 миллиард сўм)га баҳоланмоқда.
Вилоят раҳбарияти маълум қилишича, шамол станциясининг ишга туширилиши йилига 811 минг куб метр газ ёки 3,1 минг тонна кўмир тежаш имконини беради.
Маълумот учун, Ўзбекистон Европага “яшил энергия” экспорт қилиш ташаббусига қўшилди. Ушбу ташаббус доирасида Озарбайжон ва Қозоғистон энергетика компаниялари ҳам ҳамкор сифатида иштирок этмоқда. Электр энергияси Қора денгизнинг туби орқали ўтказиладиган кабель орқали етказилиши кутилмоқда. «Замин»ни Telegram’да ўқинг!
Ctrl
Enter
Хато топдИнгизми
Иборани ажратиб Ctrl+Enter тугмасини босинг Мавзуга оид янгиликлар
