Шаҳарлараро автобусларга ҳар бир йўловчи учун субсидия берилади

Ўзбекистонда шаҳарлар ва вилоятлар орасида қатнайдиган автобус ва микроавтобуслар ҳар бир йўловчи учун давлатдан субсидия олади, деб Kursiv.media хабар берди.

Бу ҳақда Президент Шавкат Мирзиёев раҳбарлигидаги видеоселектор йиғилишида маълум қилинди.

Шу билан бирга, автобуслар учун утилизация йиғими бўйича берилган имтиёзлар яна уч йилга узайтирилди. Эндиликда бу имтиёзлар микроавтобусларга ҳам тааллуқли бўлади.

Жамоат транспорти учун божхона тўловлари бўйича имтиёзлар ҳам уч йилга белгиланди. Илгари бундай имконият фақат сайёҳлик автобус ва микроавтобусларига берилган эди.

Бундай имтиёзлардан фойдаланиш учун тадбиркорлар икки шартга амал қилишлари шарт:
• Жадвал асосида қатнаш.
• Даромадлар шаффофлигини таъминлаш мақсадида электрон тўловни жорий этиш.