Астрахань портига Ўзбекистондан тахминан 20 тонна киви етказиб берилди. Бу ҳақда Kursiv.media хабар берди. Мева-сабзавот маҳсулотлари фитосанитар назоратдан муваффақиятли ўтди.
Расмий маълумотларга кўра, 2025 йилнинг етти ойида мамлакат жами 1,3 миллион тоннага яқин сабзавот ва мева экспорт қилган. Бу кўрсаткич маблағ жиҳатидан 35 фоиздан зиёд ўсиб, 1 миллиард доллардан ошиб кетди.
Экспортда асосий улуш сабзавотларга — 583 минг тонна, меваларга эса 148 минг тонна тўғри келмоқда. Шунингдек, 38,8 минг тонна мош, 4,9 минг тонна қалампир ҳам четга юборилди.
Айтиш жоизки, 2021 йилда Кўқонлик тадбиркор Шухрат Умаров киви етиштириш билан шуғулланаётгани ҳақида хабар берилган эди. Унга кўра, бу мева совуққа чидамли бўлиб, ҳосилдорлиги йил сайин ортиб бормоқда.
«Замин»ни Telegram’да ўқинг!
