Ўзгидромет 2 сентябрь куни Ўзбекистоннинг турли ҳудудларида кузатилиши кутилган об-ҳаво ҳақида маълумот берди.
Маълумотга кўра, пойтахт Тошкентда осмон бироз булутли бўлади. Ёмғир ёғиши эҳтимоли йўқ. Шарқдан еса шамол 5–10 м/с тезликда эсиши кутилмоқда. Ҳарорат кечаси 15–17 даража, кундузи эса 31–33 даража атрофида бўлади.
Қорақалпоғистон ва Хоразм вилоятида ҳам осмон бироз булут билан қопланиши айтилмоқда. Ёғингарчилик кутилмайди, аммо шамол айрим жойларда 13–18 м/с гача кучайиши, чанг-тўзонлар кузатилиши мумкин. Ҳаво ҳарорати кечаси 13–18 даража, кундузи 30–35 даража атрофида сақланади.
Бухоро ва Навоий вилоятида ҳам худди шундай об-ҳаво кутилмоқда. Шамолнинг кучайиши ва чангли шамоллар эҳтимоли бор. Ҳарорат кечаси 14–19 даража, кундузи 30–35 даража бўлади.
Тошкент вилояти, Сирдарё, Жиззах ва Самарқандда ҳам осмон бироз булутли бўлиб, ёғингарчилик кутилмайди. Шамолнинг айрим жойларда кучайиши мумкин. Ҳарорат кечаси 13–18 даража, кундузи 30–35 даража бўлиши башорат қилинган.
Қашқадарё ва Сурхондарёда ҳам кун бироз булутли кечади. Ёмғир ёғмайди. Аммо шамолнинг 13–18 м/с гача кучайиши ва чангли ҳаво кузатилиши мумкин. Ҳаво ҳарорати кечаси 16–21 даража, кундузи эса 32–37 даражагача кўтарилади.
Фарғона водийси вилоятлари — Андижон, Наманган ва Фарғонада осмон бироз булутли бўлади. Ёғингарчилик эҳтимол қилинмаяпти. Шимоли-шарқдан шамол 5–10 м/с тезликда эсади, айрим жойларда у ҳам кучайиши мумкин. Ҳаво ҳарорати кечаси 13–18 даража, кундузи 30–35 даража атрофида бўлади.
Тоғли ҳудудларда эса об-ҳаво нисбатан салқин кечади. Осмон бироз булутли, ёғингарчилик кутилмайди. Шамол айрим манзилларда кучлироқ эсиши мумкин. Ҳарорат кечаси 9–14 даража, кундузи эса 20–25 даража бўлади.
Шу тариқа, 2 сентябрь куни бутун мамлакатда об-ҳаво нисбатан барқарор бўлиши кутилмоқда. Бироқ шамолнинг кучайиши ва чанг-тўзонлар айрим ҳудудларда аҳоли учун ноқулайлик туғдириши мумкинлиги ҳақида мутахассислар аҳолини огоҳлантирмоқда.
«Замин»ни Telegram’да ўқинг!
