Ўзгидромет 10 декабрь кунига оид об-ҳаво прогнози билан ўртоқлашди. Маълумотларга кўра, мамлакат бўйлаб номутаносиб иқлим шароити кузатилади: баъзи ҳудудларда ёмғир, бошқаларида кучли шамол ва туман кутилмоқда.
Тошкентда кечаси ва эрталаб ёмғир ёғиши мумкин, кундузи эса ҳаво очилиб, 3–5 даража илиқ бўлади. Шаҳарда туман тушиши эҳтимоли ҳам мавжуд.
Қорақалпоғистон ва Хоразмда ёғингарчилик кутилмаяпти, аммо шарқий шамол айрим жойларда 20–22 м/с гача кучайиши мумкин. Ҳарорат кечаси 5–10 даража совуққача тушади.
Бухоро ва Навоийда ҳам ҳудуд бўйлаб шамол кучайиши эҳтимол қилинмоқда. Ҳарорат кундузи 5–10 даража илиқ бўлади.
Тошкент, Сирдарё ва Жиззахда эрталаб ёмғир эҳтимоли бор. Кундузи 1–6 даража илиқ об-ҳаво кутилмоқда.
Самарқандда эрталаб ёмғир кузатилиши мумкин, кундузи эса 8–13 даража атрофида илиқ ҳаво сақланади.
Қашқадарё ва Сурхондарёда ёғингарчилик бўлмайди, ҳарорат кундузи 14–19 даражагача кўтарилади.
Фарғона водийсида (Андижон, Наманган, Фарғона) эрталаб ёмғир ёғиши мумкин, ҳаво 0–5 даража илиқ бўлади.
Тоғли ҳудудларда эса вақт-вақти билан ёмғир ва қор ёғади, айрим жойларда кучли. Ҳарорат 2–7 даража совуқ бўлиб туради.
“Zamin”ни Telegram'да ўқинг!
Меҳмон гуруҳидаги фойдаланувчилар ушбу мақолага изоҳ қолдира олмайди.
