Шавкат Мирзиёевнинг Москвага амалий ташрифи якунланиб, Тошкентга қайтди

Фото: Президент матбуот хизмати

Бугун, 9 май куни Шавкат Мирзиёевнинг Москвага амалга оширган амалий ташрифи якунига етди. Бу ҳақда Президент матбуот хизмати маълум қилди.

Давлат раҳбари ташриф давомида Ғалаба кунининг 81 йиллигига бағишланган тантанали тадбирларда иштирок этди. Хусусан, Қизил майдонда ўтказилган ҳарбий парад ва бошқа расмий маросимларда қатнашди.

Ташриф доирасида Владимир Путин билан икки томонлама учрашув ҳам ташкил этилди. Унда ўзаро ҳамкорликнинг долзарб йўналишлари, минтақавий ва халқаро масалалар юзасидан фикр алмашилгани таъкидланди.

Расмий тадбирлар якунлангач, Президент Мирзиёев Тошкентга жўнаб кетди. Уни Внуково халқаро аэропортида Россия расмийлари тантанали равишда кузатиб қўйди.

charos

«ZAMIN.UZ» муҳаррири

+ Zamin.uz сайтини Googleга қўшинг