10:02 / 09.07.2021
2 094

«Ўзгидромет» бугундан жазирама иссиқ чекинишини айтмоқда

«Ўзгидромет» бугундан жазирама иссиқ чекинишини айтмоқда

9 июлда кундуз куни Ўзбекистон бўйича аста-секин иссиқ пасайиши давом этади, иссиқнинг бундай пасайиши кеча республика ҳудудининг шимоли-ғарбий ҳудудларида бошланган.

Қорақалпоғистонда, Хоразм вилоятида ва чўл ҳудудларида 44-47° иссиқдан сўнг ҳарорат 32-37° гача пасаяди. Қолган ҳудудларда иссиқ бироз пасаяди. Ҳаво ҳарорати 35-40°, баъзи жойларда 42° гача, Сурхондарё вилоятида 44-46° гача атрофида бўлади.

Республика бўйича баъзи жойларда ҳаво массаси ўзгариши ҳисобига шамол тезлиги 15-20 м/с гача кучайиши кутилмоқда, баъзи жойларда чангли бўрон билан 25-30 м/с гача кучайиши мумкин. Тоғ олди ва тоғли ҳудудларнинг баъзи жойларида қисқа муддатли ёмғир ёғиши, момақалдироқ бўлиши мумкин.

Бугундан бошлаб, нам ва совуқ ҳавонинг Қорақалпоғистон ва Хоразм вилояти ҳудудларида таъсири яққол сезилади. Кунлик максимумлар шимол минтақада +35 даражага бориб бормайди. Бу, ёз ойлари учун анча салқин ҳаво дегани.

Пойтахтимизда ҳаво бироз булутли бўлади, вақти-вақти билан ўзгариб туради, ёғингарчилик кутилмайди. Шамол 5-10 м/с тезликда эсади, 12-17 м/с гача кучайиши мумкин. Ҳарорат 40-42° бўлади.

Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Фикрлар (0)


Янгиликлар » Ўзбекистон » «Ўзгидромет» бугундан жазирама иссиқ чекинишини айтмоқда