Январ ойида қайси ҳудудда энг кўп никоҳ қайд этилгани маълум бўлди

Январ ойида энг кўп никоҳ ҳолатлари Қашқадарё вилоятида қайд этилган. Бу ҳақда Давлат статистика қўмитаси хабар бермоқда.
Қўмитанинг дастлабки маълумотларига кўра, 2022 йилнинг январ ойида республика бўйича 20 428 та никоҳ ҳолатлари қайд этилган.

Қайд этилишича, бу ўтган йилнинг январ ойига нисбатан 725 тага кўп.

Ҳудудлар кесимида қайд этилган никоҳлар сони бўйича Қашқадарё вилояти етакчилик қилмоқда – 2380 та. Кейинги ўринлардан 2359 та никоҳ қайд этилган Самарқанд вилояти ва 2118 та никоҳ кузатилган Хоразм вилояти жой олди.

Ушбу кўрсаткич қолган ҳудудларда қуйидагича кўриниш олди:
Сурхондарё вилояти – 1930 та;
Фарғона вилояти – 1830 та;
Андижон вилояти – 1769 та;
Қорақалпоғистон Р. – 1498 та;
Наманган вилояти – 1412 та;
Бухоро вилояти – 1320 та;
Тошкент вилояти – 1276 та;
Тошкент шаҳри – 1022 та;
Жиззах вилояти – 701 та;
Сирдарё вилояти – 427 та;
Навоий вилояти – 386 та. “Замин” янгиликларини “Telegram”да кузатиб боринг