Туркиянинг дин ишлари бошқармаси биткоинни ислом ғояларига зид деб тан олди. Бу унинг чайқовчилик хусусияти билан боғланган, деб ёзмоқда Kun.uz нашри.
Хабарда айтилишича, мусулмонларга ўз табиатига кўра чайқовчилик инструментларидан фойдаланиш тақиқланган. Шу сабабли биткоин ислом ғояларига зид келади. Худди шу тамойил қолган криптовалюталарга, жумладан блокчейнлар негизидаги онлайн-хизмат Ethereum’га ҳам тааллуқли.
“Криптовалюталарни сотиш ва сотиб олиш айни вақтда ислом меъёрларига тўғри келмайди, чунки унинг курси чайқовчиликка боғлиқдир. Биткоин жиноий фаолият, жумладан пулларни ювиш учун осон қўлланиши мумкин ва ҳукумат томондан назорат қилинмайди”, деб маълум қилинган Enson Haber нашрида. Биткоиннинг жиноий фаолият учун қўлланиши Сурияга яқинлиги сабабли Туркияга айниқса хавфлидир.
Туркиянинг дин ишлари департаменти Diyanet ушбу баёнотни биткоиннинг 11 минг доллардан ошиб, сўнгра 15 фоизга арзонлашишидан олдин, яъни шу йил 24 ноябрда чоп этган.
Туркия PayPal тўлов хизмати мамлакат ҳудудида тақиқлангандан кейин маълум вақт биткоин-стартапларни жалб қилган. PayPal’нинг ўрнини маҳаллий биткоин-биржалар эгаллаган, бироқ BTCTurk 2016 йилда ушбу фаолиятни тўхтатган, чунки ҳукумат унинг ҳисоб рақамини огоҳлантиришсиз тўхтатган. Трейдерлар учун биткоин турк лираси ўрнига яхши муқобил ҳисобланади.
Ислом исталган чайқовчиликни, қимор ўйнаш ва судхўрликни тақиқлайди. Мусулмон давлатларида бу қоидалардан қочиш учун ислом банкинги пайдо бўлган. Туркияда кўп йиллар давомида оммавий жойларда исломга берилганликни намойиш қилиш маъқулланмаган, бироқ амалдаги президент Ражаб Тоййиб Эрдўған динни қўллаб-қувватловчи сиёсат олиб боради. “Замин” янгиликларини “Инстаграм”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
«Реал Мадрид» устози Карло Анчелотти кечаги ғалабадан сўнг нималар деди?
Ўзбекистонда зилзилага тайёргарлик кучайтирилади
Эрдўғон: «Исроил Гитлердан ҳам ўтиб кетди»
Қозоғистонлик миллиардерлар сув тошқинидан зарар кўрган ҳудудларга маблағ ажратди
Тадбиркорларга қўлланадиган молиявий жарима камайтирилади
Нега Трамп Зеленскийни ёмон кўради?
Сирдарёда бюджетга жуда кўп миқдорда зарар етказган майнинг ферма аниқланди
Зеленский: Россия Украинанинг иссиқлик энергетикасини деярли тўлиқ яксон қилди