Ford тормоз тизимидаги носозлик сабабли ярим миллион автомобилни қайтариб олмоқда

Ford компанияси АҚШда 500 мингга яқин автомобилни қайтариб олаётгани маълум бўлди. Сабаб — тормоз тизимидаги носозлик.

Мутахассисларнинг айтишича, тормоз шланги ёрилиб, суюқлик сизиб чиқиши мумкин. Бу машинанинг тўхташ йўлини узайтириб, авария хавфини оширади.

Носозлик асосан 2015–2018-йилларда ишлаб чиқарилган Ford Edge ва 2016–2018-йиллардаги Lincoln MKX автомобилларида аниқланган.

Ford ҳозирча бу муаммо сабабли бирор авария ёки жароҳатланиш қайд этилмаганини билдирди. Шунга қарамай, автомобиллар текширилади ва таъмирланади.

Бундан ташқари, Ford яна 200 мингдан ортиқ машинани орқа чироқлар ва хавфсизлик ёстиқчаси билан боғлиқ муаммолар учун ҳам қайтариб олаётгани айтилди.

Oqiljon Muhammad

«ЗАМИН.УЗ» муҳаррири