Лотус компанияси ўзининг машҳур Эмира спорткарини янгилашга тайёргарлик кўрмоқда. 2027-йилдан бошлаб ушбу модел Geely ва Renault ҳамкорлигида ташкил этилган Ҳорсе компанияси томонидан ишлаб чиқилган 3,0 литрли В6 турбинали гибрид двигател билан жиҳозланади. Бу ҳақда Autocar.co.ук хабар беради.
Лотус бош директори Фенг Қингфенгнинг тасдиқлашича, янги Ҳорсе В6 двигатели ҳозирда қўлланилаётган Toyota ва AMG агрегатларини тўлиқ алмаштиради. Ушбу янги двигател 536 от кучига эга бўлиб, атиги 160 кг оғирлик қилади, бу эса уни ўз синфидаги энг енгил ва самарали агрегатлардан бирига айлантиради.
Гибрид тизим тўрт поғонали автомат узатмалар қутиси ва ўрнатилган электр мотор билан бирлаштирилган. Бу ечим автомобилнинг қувватини ошириш билан бирга, зарарли чиқиндилар миқдорини ҳам камайтиришга хизмат қилади. Лотус ушбу қарорни АҚШ бозоридаги мижозларнинг В6 двигателларига бўлган юқори талабини инобатга олган ҳолда қабул қилди.
Британиянинг Ҳетҳел шаҳридаги тарихий завод келажакда нафақат Эмира, балки 2028-йилдан ишлаб чиқарилиши режалаштирилган янги В8 гибрид суперкари — Эсприт учун ҳам асосий ишлаб чиқариш майдончаси бўлиб қолади. АҚШга экспорт қилинадиган автомобиллар учун божхона тарифларининг 10 фоизгача камайтирилиши завод ишлаб чиқариш қувватини йилига 10 000 донагача етказиш имконини беради.
“Zamin”ни Telegram'да ўқинг!
