Электромобиллар савдоси ортиб бораётганига қарамай, давлат томонидан ажратилаётган субсидиялар ҳали ҳам ўз аҳамиятини йўқотгани йўқ. Кўплаб мамлакатларда электромобиллар анъанавий ички ёнув двигателли автомобилларга нисбатан қимматроқ бўлиб қолмоқда, бу эса харидорларни жалб қилишда давлат кўмагини талаб қилади. Бу ҳақда Autocar.co.ук хабар беради.
Ҳукуматлар қачон субсидияларни тўхтатиши мумкинлиги ҳақидаги савол долзарб бўлиб қолмоқда. Мутахассисларнинг фикрича, электромобиллар нархи анъанавий автомобиллар билан тенглашмагунча, молиявий рағбатлантиришлар истеъмолчилар учун асосий омил бўлиб хизмат қилади.
Ҳозирги кунда электромобиллар ва енгил тижорат автомобиллари учун ажратилаётган имтиёзлар бозорнинг барқарор ўсишини таъминламоқда. Агар ушбу ёрдам муддатидан олдин бекор қилинса, электромобилларга бўлган талаб кескин пасайиб кетиши мумкин.
Келажакда батарея технологияларининг ривожланиши ва ишлаб чиқариш харажатларининг камайиши эвазига электромобиллар субсидияларсиз ҳам рақобатбардош бўлиши кутилмоқда. Бироқ, ҳозирги босқичда давлат кўмаги экологик тоза транспортга ўтишни тезлаштириш учун зарурий қадамдир.
“Zamin”ни Telegram'да ўқинг!
