Stellantis компанияси Донгфенг билан янги ҳамкорлик шартномасини имзолади. Ушбу келишувга кўра, Хитойнинг Ухан шаҳридаги заводда келгуси йилдан бошлаб иккита янги Peugeot ва иккита янги Jeep модели ишлаб чиқарилади. Ушбу автомобиллар нафақат Хитой бозори, балки глобал экспорт учун ҳам мўлжалланган. Бу ҳақда Autocar.co.uk хабар беради.
Янги Peugeot моделлари Пекин автосалонида намойиш этилган Концепт 6 ва Концепт 8 прототиплари асосида яратилади. Улар орасида 508 моделига ўхшаш ўзига хос кузовли автомобил ва француз бренди тарихидаги энг йирик кроссовер бўлиши кутилаётган флагман модел мавжуд. Jeep бренди остида эса янги авлод йўлтанламас электромобиллари ишлаб чиқарилиши режалаштирилган.
Лойиҳа қиймати 1 миллиард еврони ташкил этади, шундан 130 миллион евроси Stellantis томонидан киритилади. Ушбу ҳамкорлик Хубей провинцияси ва Ухан маъмуриятининг автомобилсозлик соҳасидаги қўллаб-қувватловчи сиёсатига асосланади. Бу қадам Stellantis компаниясининг Хитойдаги ишлаб чиқариш қувватларини кенгайтириш стратегиясининг бир қисмидир.
Peugeot бош директори Ален Фавейнинг таъкидлашича, ушбу моделлар компаниянинг Хитой технологияларидан фойдаланган ҳолда глобал бозор талабларига мослашишини синовдан ўтказади. Унинг сўзларига кўра, Донгфенг томонидан тақдим этилган айрим технологиялар Европа стандартларидан ҳам илғорроқ бўлиши мумкин.
“Zamin”ни Telegram'да ўқинг!
