Европа йўлларида 2027-йилги модел қаторига кирувчи Skoda Кодиақ кроссоверининг тест прототипи пайдо бўлди. Алп тоғлари яқинида суратга олинган автомобил тасвирларини аутоэволутион нашри эълон қилди. Суратларга кўра, кроссовернинг олд қисми бренднинг янги корпоратив услубига мос равишда сезиларли даражада қайта ишланади. Бу ҳақда Ixbt.com хабар беради.
Оммабоп моделнинг олд қисми янада ўткирроқ шаклга эга бўлди, бампер остидаги ҳаво кириш қисми эса одатдаги асаларичи уяси кўринишидаги панжарадан воз кечиб, кўндаланг элементларга эга бўлди. Шунингдек, вертикал ҳаво каналлари ва радиатор панжараси ҳам ўзгариб, автомобил ташқи кўриниши Модерн Солид дизайн тилига яқинлашган.
Дастлабки маълумотларга кўра, автомобил салонини ҳам жиддий янгиланишлар кутмоқда. Skoda компанияси Volkswagen Групнинг тўртинчи авлод мультимедиа тизимидан воз кечиб, Android Autoмотиве платформасига ўтиши мумкин. Бу эса фойдаланувчилар учун янада қулай интерфейс ва кенг имкониятларни тақдим этади.
Яна бир муҳим ўзгариш бошқарув элементларига тегишли. Аввалроқ Тигуан ва Кодиақ моделларида дебют қилган рақамли бошқарув тугмаси (шайба) ўрнини энг кўп қўлланиладиган функцияларга тезкор кириш имконини берувчи жисмоний тугмалар эгаллаши кутилмоқда. Бу ҳайдовчининг диққатини йўлдан чалғитмасликка хизмат қилади.
“Zamin”ни Telegram'да ўқинг!
