20:53 / 29.10.2018
3 947

"GM Uzbekistan" Россияга автомобил етказиб беришни қайта йўлга қўйди

"GM Uzbekistan" Россияга автомобил етказиб беришни қайта йўлга қўйди
"GM Uzbekistan" компанияси узоқ танаффусдан сўнг Росссияга автомобил етказиб беришни қайта йўлга қўйди. "Ravon" русумидаги илк автомобиллар Уфа шаҳридаги автосалонларига етказилган", – дея хабар бермоқда "Turon24" ахборот агентлиги.

"Нархлар ҳали белгиланмаган, шунинг учун ҳозирча уларни сотиб олишнинг иложи йўқ», – дея изоҳ берди Уфадаги автосалон менежери.

Менежернинг тахминларига қараганда, R3 ва R4 седанларининг янги нархлари 1 млн рубл (15-16 минг АҚШ доллари – таҳририят изоҳи) атрофида бўлади. Бу эса уларнинг нархи икки баравар ошганини англатади. Шу тариқа "Ravon" кам харажатли автомобиллар тоифасидан чиқиб кетади.

Тахминларга қараганда, янги нархлар машиналарга бўлган талабни камайтириб юбориши, дилерларнинг катта қисми ўзбек компанияси билан ишлаш фикридан қайтиши мумкин.

"GM Uzbekistan" баҳорнинг охирида Россияга автомобил етказиб беришни тўхтатган, бунга асосий сабаб сифатида нарх сиёсатини қайта кўриб чиқиши кераклигини кўрсатган эди.

Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Фикрлар (0)


Янгиликлар » Авто » "GM Uzbekistan" Россияга автомобил етказиб беришни қайта йўлга қўйди