Фарғона вилоятида электромобиллар ишлаб чиқариш қачон бошланиши маълум бўлди

  • 19 декабрь 2019, 13:05
  • 2 445
  • Авто
  • Фарғона вилоятида электромобиллар ишлаб чиқариш қачон бошланиши маълум бўлди
    2020 — 2022 йилларда Фарғона вилоятининг Марғилон ва Қўқон шаҳарларида саноат, хизмат кўрсатиш ва қишлоқ хўжалиги маҳсулотларини қайта ишлаш соҳаларини ривожлантириш бўйича инвестиция лойиҳаларининг манзилли рўйхати эълон қилинди.

    Ҳужжатга кўра, «Shaffof omadli sanoat» МЧЖ томонидан электромобил ишлаб чиқаришни ташкил этиш муддати 2022 йилнинг 1 октябрь куни этиб белгиланди.

    Завод қуввати йилига 2 минг дона электромобил бўлади. Лойиҳанинг умумий қиймати - 40 млн доллар, жумладан, 24 млн доллар тўғридан-тўғри хорижий инвестиция ҳисобидан. Ҳужжатга кўра, электромобиллар ишлаб чиқаришни ташкил этиш натижасида 300та иш ўрни яратилади.

    Ҳисоб-китобларга кўра, ишлаб чиқариладиган экологик тоза электромобиллар нархи 3 минг доллар атрофида бўлади. Улар нефть маҳсулотлари чекланган шароитда муҳим аҳамият касб этади.

    » » Фарғона вилоятида электромобиллар ишлаб чиқариш қачон бошланиши маълум бўлди