Янги Mercedes-Benz S-Class’нинг суратлари премьерадан олдин тарқалиб кетди (фото)

^{Фото: Instagram / Liucunyi}
Янги Mercedes-Benz S-Class’нинг ташқи кўриниши ва интерьери премьерадан олдин тўлиқ маълум бўлди. Тест прототипларидан бири Хитойда камерага муҳрланган — гувоҳлар машина кузови ва салонини ҳам суратга туширишга муваффақ бўлган. W223 сериясида флагман седани Хитойга ички тақдимот учун олиб келинган бўлиши мумкин, деб хабар беради Motor.

Mercedes-Benz S-Class авлодининг алмашиши билан инқилобий дизайн ўзгаришлари кутилмоқда: орқа вертикал фонарлардан юкхона тепасидаги горизонтал сексиялар ҳисобига воз кечилган, олд фаралар ингичкалашган, оптика тасвири ўзгарган.

^{Фото: Instagram / Liucunyi}
Орқа томонидаги хромланган иккита «вставка» ўрнига битта қолган, радиатор панжарасининг шакли ҳам мураккаблашган: эндиликда у қирралари ёйсимон етти бурчакли детални ёдга солади.

Салон архитектураси тўлиқ қайта кўриб чиқилган: MBUX мультимедия комплексидан алоҳида кенг ўлчамли қурилмалар панели ва деярли квадрат шаклга эга маълумот берувчи планшет тизими фойдасига воз кечилган.

^{Фото: Instagram / Liucunyi}
«Рақамли» интерьерда фирманинг анъанавий соатларига жой топилмаган, турли тугмалар сони эса кескин камайтирилган. Ечилувчан планшетлар эса орқа ўриндиқдаги йўловчилар учун асосий жиҳозга айланиши мумкин.

^{Фото: Instagram / Liucunyi}
S-Class’га кирувчи флагман седани ҳақида қолган маълумотлар яқин вақтлар ичида маълум бўлади, чунки модель премьераси 2020 йил охирига қадар ўтказилиши режалаштирилган.

^{Фото: Instagram / Liucunyi}

«Замин» янгиликларини «Вконтакти»да кузатиб боринг