АҚШ Украинага ҳар ой 1,5 млрд доллардан ажратишга қарор қилди

^{Фото: «ТАСС»}
Вашингтон Украина ҳукумати фаолиятини қўллаб-қувватлаб туриш учун Киевга ҳар ой 1,5 миллиард доллар ажратишни режалаштирмоқда, деб ёзади «РБК». Бу ҳақда АҚШ давлат котибининг Европа ва Евросиё масалалари бўйича ёрдамчисининг биринчи ўринбосари Дерек Хоган Уилсон таҳлил марказидаги дискуссияда.

«Биз бу мақсадга турли механизмлар орқали аллақачон 1 миллиард доллар ажратдик, ва тўрт-беш ой мобайнида ҳар ой тахминан яна 1,5 миллиард доллардан йўналтирмоқчимиз», — деди Хоган.

21 май куни АҚШ президенти Жо Байден 2022-молия йилида Киевга 40,1 миллиард доллар ажратишни кўзда тутувчи қонун лойиҳасини имзолаганди. Bloomberg аниқлик киритишича, 6 миллиард доллар Киевга хавфсизлик соҳасида тўғридан-тўғри кўмак бўлади, 8,8 миллиард доллар иқтисодий кўмак сифатида, 9,05 миллиард доллар Пентагон томонидан берилган қурол-яроғ захирасини тўлдиришга, 4 миллиард доллар Украинага қурол етказиб бераётган бошқа мамлакатларга, 4,35 миллиард доллар глобал озиқ-овқат ва гуманитар ёрдам учун, 700 миллион доллар эса Давлат департаменти томонидан озиқ-овқат молиялаштирувига йўналтирилади.

1 июнь куни Байден Украинага ҳарбий ёрдамнинг навбатдаги, 700 миллион долларлик пакети тақдим этилишини эълон қилди, унга HIMARS баравар ўт очиш тизимлари ва уларнинг снарядлари киради.

Кейинроқ Politico хабар топишича, АҚШ конгресси аъзолари президент маъмуриятидан Украинага ёрдам учун ажратилган 40 миллиард долларнинг сарфланиши юзасидан ҳисобот талаб қилган.

Россия ҳарбий операцияси бошланганидан буён Америка ҳукумати Украинага хавфсизлик соҳаси учун қарийб 3,9 миллиард доллар йўналтирган, деб маълум қилган Пентагон. “Замин” янгиликларини “Facebook”да кузатиб боринг