Жанубий Кореяда ёқилғи нархининг кўтарилишидан норози бўлган юк машина ҳайдовчилари иш ташлаш уюштиришди. Норозиликлар микрочиплар ва нефт-кимё маҳсулотларини ишлаб чиқариш учун зарур бўлган ҳом ашёларни етказиб бериш қисқариши мумкинлиги билан хавф солмоқда, дея хабар бермоқда Reuters.
Бу жуда қисқа вақт ичида бир қатор соҳаларга ўз таъсирини ўтказди.
Таъминотнинг узилиши
Хусусан, Hyundai Motor’нинг йирик завод комплексида ишлаб чиқариш 2 бараварга қисқарди ва бу бир неча йирик компаниялар, жумладан, юз йиллик POSCO компаниясининг таъминоти узилиб қолишига сабаб бўлди.
«Юк машина ҳайдовчиларининг иш ташлашлари туфайли биздаги ишлаб чиқаришда узилишлар бор, умид қиламизки, ишлаб чиқариш жараёни имкон қадар тезроқ нормал ҳолатга қайтади», – дейди Hyundai вакили.
Hyundai Ульсандаги заводларида одатда кунига 6000 дона автомобиль, жумладан, Genesis ва Ioniq 5 EV ишлаб чиқаради.
Контейнер ташишдаги узилиш ва тўхташлар
Оммавий ахборот воситаларининг хабар беришича, мамлакатдаги контейнер ташишнинг 80 фоизини ташкил этувчи Пусан портида юк ташиш нормадан учдан бир даражага қадар тушган. Оқибатда портларда контейнер ташиш ҳам кескин секинлашган. Инчеон портида бу ҳолат меъёрий даражадан 20 фоизга тушди. Иш ташлашларнинг катта қисми содир бўлган саноат маркази Улсан портида контейнер ташиш бутунлай тўхтатилган.
Норозилик намойишлари сони юқори даражада
Associated Press маълумотларига кўра, норозилик намойишларида 7,5 минг ҳайдовчи иштирок этмоқда. Уларнинг касаба уюшмалари тасдиқлашича, норозилар сони ҳукумат баҳолаётганидан кўра анча юқори ва касаба уюшма таркибига кирмайдиган кўплаб юк машина ҳайдовчилари ишга чиқишдан бош тортишмоқда.
Хориж нашрлари
Хорижий манбаларнинг қайд этишича, иш ташлашлар глобал чип танқислигидан азият чекаётган автомобиль саноатига қўшимча босим ўтказади. Намойишлар «ўта худбинлик» деб аталмоқда.
Хулоса
Бугунги кунда Жанубий Корея яримўтказгичлар, смартфонлар, автомобиллар, аккумуляторлар ва электрон қурилмаларнинг йирик етказиб берувчиси ҳисобланади. Бу мамлакатда содир бўлаётган воқеалар у ёки бу тарзда автомобилсозлик соҳасида ҳамкорлик ўрнатилган қатор мамлакатлардаги бошқа компанияларга ҳам салбий таъсир кўрсатиши мумкин. “Замин” янгиликларини “Twitter”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Россиялик депутат: «Олий маълумотлиларнинг курерлик қилиши — ватанпарварликка зид»
АҚШ ҳарбийлари орасида ўз жонига қасд қилиш кўпайди
Apple донгдор икки айфонини расман эскирган деб эълон қилди
Пашинян Арманистоннинг Мустақиллик декларацияни энг катта муаммо ва фожиа деб атади
Яхши пишган ва мазали анор танлашга ёрдам берадиган тавсиялар
Дональд Трамп 27 ёшли Каролин Левиттни Оқ уй матбуот котиби этиб тайинламоқчи
Жо Байден: “Баъзан хотиним мени космосга жўнатиш билан таҳдид қилади”
Кремль Украина бўйича музокарада шартлар қўйишга уринмоқда
