Ўзбекистонга Хитой шаҳридан биринчи юк поезди йўлга қўйилди

^{Фото: Dknews}
Озиқ-овқат ва фавқулодда юкларни олиб кетаётган Хитой—Европа юк поезди 22 июнь куни Ўзбекистонга жўнаб кетди.

94 та контейнердан иборат юк поезди Хитой жанубидаги Гуанси-Чжуан автоном раёни пойтахти Наннинг шаҳридан йўлга чиққан. Поезд 4662 км йўл босиб, 7 кунда Тошкентга етиб келиши режалаштирилмоқда.

Юклар орасида шакар, тармоқ кабеллари, шунингдек, Вьетнам кажу ёнғоғи каби 2418 тонна маҳсулот бор.

Хитой—Қозоғистон—Ўзбекистон юк поезди Гуанси шаҳридан Ўзбекистонга қатновчи Хитой—Европа йўналишидаги биринчи юк поезди ҳисобланади.

Бундан ташқари у Гуанси томонидан ишга туширилган бешинчи Хитой—Европа юк поезди йўналишидир.

Божхона расмийлаштирувининг соддалаштирилган тартиби туфайли янги йўналиш юк ташиш вақтини бир-икки кунга қисқартиради, товарларни етказиб беришни самарали таъминлайди. “Замин” янгиликларини “Twitter”да кузатиб боринг