Буюк Британияда 50 минг нафар транспорт ходимлари иш ташлаш ўтказмоқда

^{Фото: Reuters}
Буюк Британияда транспорт ходимларининг иш ташлаши оқибатида бутун мамлакат бўйича поездларнинг қарийб 90 фоизи тўхтади, деб хабар берди AFP агентлиги.

The Guardian газетаси 1 октябр куни бошланган иш ташлашни охирги ўн йилликдаги энг йирик иш ташлаш деб атади – унда темирйўл, денгиз ва бошқа турдаги транспорт соҳасида ишлайдиган 50 минг нафар ходим қатнашмоқда.

Мамлакатда рейсларнинг 11 фоизга яқини ишлайди ва Лондондан Бирмингем, Манчестер, Эдинбург, Ливерпул, Нюкасл, Брайтон ва Норвич каби йирик шаҳарларга тўғридан тўғри поездлар бўлмайди. Алоҳида касаба уюшмаларининг иш ташлашлари 5 октябр ва 8 октябр кунлари қайта ўтказилиши кутилмоқда.

Ходимлар ойлик маошлари инфляция ўсишига мувофиқ оширилишини талаб қилишмоқда. Ҳукумат билан ўтказилган музокараларга қарамасдан, касаба уюшмалари келишувга эриша олмади, деб ёзади The Financial Times. “Замин” янгиликларини “Telegram”да кузатиб боринг