Туркманистон «Дарвоза» кратери оловини ўчириш муваффақиятли кечаётганини маълум қилди

1 дақиқа ўқиш810
Туркманистон «Дарвоза» кратери оловини ўчириш муваффақиятли кечаётганини маълум қилди
Фото: Getty Images
Туркманистон «Дарвоза» кратеридаги метан чиқиндиларни камайтириш бўйича катта муваффақиятга эришди. Бу ҳақда «Туркменгаз» давлат концернининг Табиий газ илмий-тадқиқот институти лаборатория раҳбари Ирина Луриева маълум қилди.

Халқ орасида «Жаҳаннам дарвозаси» деб номланган кратерда 53 йил олдин кучли ёнғин бошланган ва уни ҳанузгача ўчириш йўли топилмаган.

Луриева сўзларига кўра, илмий-тадқиқот институтида ишлаб чиқилган ўчириш усули кратерга газ оқимини камайтиришдан иборат.

«Натижада бу усул кратер томон ҳаракатланадиган газ оқимининг камайиб боришига сабаб бўлади. Биз бу газнинг ҳаммасини тортиб оламиз, газ мавжуд захира қудуқларига йўналтирилади», деди у.

У кратерни тўлиқ ўчириш учун қанча вақт кетишига аниқлик киритмади, аммо бу усул аллақачон кратердан чиқаётган метан чиқиндиларини «сезиларли даражада» камайтиришга имкон берганини айтди.

Тадқиқот институти олимлари ёнаётган кратерни ўчиришнинг ягона йўли газ олинадиган кон яқинида қудуқ бурғулаш деган хулосага келган.

Ашхободдан 266 км узоқликда жойлашган Қорақум чўлидаги газ кратери 1971 йилда разведка конининг қулаши оқибатида пайдо бўлган. Кейинчалик, диаметри 60 м ва чуқурлиги 20 м бўлган чуқур халқ орасида «Жаҳаннам дарвозаси» номини олди. Кратер остидаги ғордан чиқадиган ва газ ёниши натижасида пайдо бўлган олов устунлари баландлиги 15 метрга етиши мумкин.

2022 йилда Туркманистон собиқ президенти Гурбангули Бердимуҳамедов ҳукуматдан муаммога ечим топишни талаб қилган эди. Унинг сўзларига кўра, газнинг ёниши атроф-муҳитга ва яқин атрофда яшовчи аҳоли саломатлигига салбий таъсир кўрсатмоқда.
Мақола сизга ёқдими?

Обуна билан реклама бўлмайди

Zamin Premium — ойига 4 900 сўм

Изоҳлар0

…

  1. Футбол академиялари учун Skaut: тўлов, давомат ва ота-она билан алоқа энди битта тизимда
  2. Тошкентдан Америкага: Нурмухаммад Исмоилов Akinda орқали ҳалол инвестицияни глобал миқёсга олиб чиқмоқда
  3. Автосервисингизни рақамлаштиринг: Bip Business билан мижозларни йўқотманг
  4. Машина ойнасига рақам ёзиш хавфлими? Bip ҳайдовчилар учун янги ечим топди!
  5. 8 та кенг тарқалган молиявий хато: нималардан сақланиш керак?
  6. Playmatch: майдон эгалари ишини анча енгиллаштиради
  7. Playmatch: футбол ўйнаш учун керакли барча хизматлар битта иловада
  8. Кундалик харажатлар учун картани қандай танлаш мумкин?
  9. Элдор Шомуродов футбол академияси ва TBC Bank: болалик орзуларидан катта футболгача
  10. ANORBANK Бўстонлиқдаги 168-сон мактаб-интернат тарбияланувчиларини табриклади
  11. Ҳайдовчилар ва ташувчилар учун ОСГОП суғуртасининг афзалликлари...
  12. Pure Milky’дан навбатдаги креатив: Ҳар қадам — азиз инсонларга меҳр билан!
  13. Кредит олиш имкониятини ошириш учун қаерда ишлаш керак?
  14. Бизнес имкониятингизни кенгайтиринг
  15. Фаннинг ривожланишига барчамиз масъулмиз!
  16. XIV Тошкент халқаро кинофестивали қандай ўтказилмоқда?