Индонезияда ота 11 ойлик ўғлини қимор ўйинларига пул тикиш учун сотиб юборди

^{Фото: Depositphotos}
Индонезиялик эркак пулини қимор ўйинларига сарфлаш учун ўзининг 11 ойлик ўғлини сотиб юборди, деб ёзади Daily Mail.

ОАВ маълумотларига кўра, ота ўзининг қимор ўйинларини молиялаштириш учун рафиқасига билдирмай шартнома тузган. Эркак бола учун 800 долларга яқин пул олган. 36 ёшли ота Интернетда қимор ўйнаш учун пулларни ҳисоб рақамига жойлаган.

Воқеа она ўғлининг йўқолганини пайқаб, полицияга мурожаат қилганида маълум бўлган.

Терговчилар томонидан сўроқ қилингандан сўнг эркак қарзини камайтириш учун боласини сотганини тан олган.

Харидор деб тахмин қилинганлар ҳам одам савдосига алоқадорликда гумон қилиниб ҳибсга олинган. Индонезияда ушбу турдаги жиноят учун 15 йилгача қамоқ жазоси тайинланиши мумкин. «Замин»ни Telegram’да ўқинг!