Путин: “Россия Украина билан можаро тезроқ ва тинч йўл билан тугатилишидан манфаатдор”

^{Фото: “Репорт.аz”}
Россия президенти Владимир Путин Москва Украина билан можаро тезроқ ва тинч йўл билан тугатилишидан манфаатдор эканини айтди. Бу ҳақда Россия президенти бугун, 18 октябрда BRICS’га аъзо давлатлар ОАВ раҳбарлари билан учрашувда маълум қилди.

“Биз Украинадаги можаро имкон қадар тезроқ ва, албатта, тинч йўл билан якунлашидан ҳаммадан кўра кўпроқ манфаатдормиз”, деди Путин.

Аввалроқ Украина президенти Владимир Зеленский Олий Радада ғалаба режасини тақдим қилганди. Режа 5 та банд ва 3 та махфий қўшимчадан иборат бўлиб, унинг биринчи бандида уруш тугагунга қадар Украинани НАТОга қабул қилиш масаласи кўрсатилган.

НАТО бош котиби Марк Рютте Зеленскийнинг мазкур режаси ёпиқ эшиклар ортида муҳокама қилиниши кераклигини айтди. “Замин” янгиликларини “Youtube”да кузатиб боринг