Путин Яқин Шарқдаги вазиятни «жуда мураккаб» деб атади

^{Фото: Anadolu Agency}
Россия президенти Владимир Путин БАА президенти Муҳаммад бин Зоид Ол Наҳаён билан норасмий учрашувда Яқин Шарқдаги вазиятни жуда мураккаб деб атади. Бу ҳақда Кремл матбуот хизмати баёнотида айтилади.

Россия раҳбари БАА президентини вазиятни муҳокама қилишга таклиф қилди.

«Биз, албатта, Яқин Шарқдаги вазият ҳақида ҳам гаплашамиз. Вазият жуда мураккаб», — деди Путин.

Ўз навбатида, БАА раҳбари Яқин Шарқдаги вазиятни муҳокама қилишга тайёрлигини тасдиқлади. «Бугун биз сиз билан муҳокама қиладиган мавзулар ва саволлар жуда кўп. Масалан, бу Яқин Шарқ. Умид қиламанки, бугун биз буни батафсил муҳокама қиламиз», деди у. “Zamin”ни Telegram'да ўқинг!