Фото: НАТО Бирлашган ҳаво қўмондонлиги
Американинг B-52H Stratofortress стратегик бомбардимончи самолётлари Калининград вилояти яқинида жойлашган Куджел полигонида бомбардимон машғулотини ўтказди, дея хабар бермоқда НАТО Бирлашган ҳаво қўмондонлиги.
Маълум бўлишича, операция Италия ва Германия ҳарбийлари билан келишилган ҳолда амалга оширилган.
Манёврлар олти километр баландликдан лазер ёрдамида бошқариладиган бомбаларни ташлашни ўз ичига олган. Ўқув тадбири АҚШнинг Европадаги ротацион кучлари томонидан ташкил этилган Vanguard Merlin тактик дастурининг бир қисми бўлган.
АҚШнинг B-52 бомбардимончи самолётларини Европада жойлаштириш НАТОнинг иттифоқчиларни ҳимоя қилишга ва потенциал таҳдидларнинг олдини олишга тайёрлигини намойиш этиш учун мунтазам амалиётидир.
Фото: НАТО Бирлашган ҳаво қўмондонлиги
Ноябрь ойи бошида Қўшма Штатлар Буюк Британиядаги Милденҳолл авиабазасига тўртта шундай самолётни жойлаштирган эди. Ўшандан бери самолётлар Финляндия, Швеция, Шимолий денгиз ва Литва устидан бир қатор парвозларни амалга оширган.
The Wall Street Journal (WSJ) нашри президент Жо Байден маъмуриятидаги манбаларига таяниб, Қўшма Штатлар жойлаштирилган ядро каллаклари сонини кўпайтириш масаласини кўриб чиқаётгани ҳақида хабар берган. Бунга Россия, Хитой ва Шимолий Кореядан келаётган таҳдидларнинг кучайиши сабаб бўлгани айтилган.
Нашрга кўра, Оқ уй аввалроқ Москва, Пекин ва Пхеньян билан бир вақтда можаро юзага келган тақдирда ҳаракатлар режасини тузишни таклиф қилувчи махфий директивани тайёрлаган. Стратегиянинг асосий эътибори ядровий бўлмаган тўхтатувчи кучларни ривожлантиришга қаратилган, аммо ядровий салоҳиятни ошириш чоралари ҳам кўриб чиқилмоқда.
Фото: НАТО Бирлашган ҳаво қўмондонлиги
WSJ суҳбатдошларининг аниқлик киритишича, Пентагон Minuteman III қитъалараро баллистик ракеталарига, шунингдек, АҚШ стратегик кучларининг асосий элементи бўлган сувости кемаларига жойлаштириладиган жанговар каллаклар сонини кўпайтириш имкониятини ўрганмоқда. Бундан ташқари, денгиздан учириладиган қанотли ядровий ракеталар дастурини ишлаб чиқиш давом этмоқда. Ушбу масала бўйича якуний қарорни АҚШнинг сайланган президенти Дональд Трамп маъмурияти қабул қилади. «Замин» янгиликларини «Вконтакти»да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Шольц ва Путин ўртасидаги суҳбат Киевга сигнал бўлди
Энди операциядан сўнг кесмалар ўрни икки баробар тезроқ битиши мумкин
Дональд Трамп 27 ёшли Каролин Левиттни Оқ уй матбуот котиби этиб тайинламоқчи
Apple донгдор икки айфонини расман эскирган деб эълон қилди
Айрим бошқарув сервис компаниялари шартномаларида асоссиз шартлар белгилангани аниқланди
Омега-3 қандай қилиб озишга ёрдам беради?
Жо Байден: “Баъзан хотиним мени космосга жўнатиш билан таҳдид қилади”
Россиялик депутат: «Олий маълумотлиларнинг курерлик қилиши — ватанпарварликка зид»
