Фото: Невзоров / Telegram
Москва яқинидаги қозонхоналарда Россиянинг қанотли ракета ва дронларини модернизация қилиш билан шуғулланган “Марс” бюроси бош конструктори ўринбосари Михаил Шацкий отиб кетилди. Қотиллик Украина Мудофаа вазирлиги разведка бош бошқармаси томонидан уюштирилгани айтилмоқда.
"Россия ҳарбий-саноат мажмуасини ривожлантиришга у ёки бу тарзда алоқадор бўлган ва шу тариқа Россиянинг Украинага қарши тажовузини қўллаб-қувватлаётган ҳар бир киши Мудофаа кучлари учун қонуний нишондир", деди Украина Мудофаа вазирлигидаги манба.
Дастлаб Шацкийнинг ўлдирилишига Украина разведкасининг алоқадорлиги ҳақида журналист Александр Невзоров хабар берган ва жасаднинг суратини эълон қилган. Унинг айтишича, муҳандис Х-59 “Овод” қанотли ракеталарини Х-69 даражасига такомиллаштириш ва янги дронларни ишлаб чиқиш билан шуғулланган. Кейинчалик бу қуроллар Украинага қарши урушда қўлланилган.
Шацкий 10 декабрь куни ўлдирилган. Кузминск ўрмони ҳудудида номаълум шахс “ўрта ёшли эркак”ни отиб ўлдиргани ва воқеа жойидан қочиб кетгани ҳақида РЕН TV хабар берган. Буюртма асосида қотиллик содир этилгани тахмин қилинмоқда. Ўша пайтда полиция содир бўлган ҳодиса юзасидан изоҳ беришдан бош тортган.
Шацкий техника фанлари номзоди ҳисобланади. У, шунингдек, Москва авиация институтида учувчисиз аппаратларининг борт автоматикаси кафедрасида ўқитувчилик қилган. “Марс” конструкторлик бюроси мазкур кафедранинг асосий корхонаси саналади.
Бюро “Ростех”га бўйсунади ва Украинага мунтазам зарба беришда қўлланиладиган Х-55, Х-59, Х-101 ва бошқа ракеталар учун бошқарув тизимларини ишлаб чиқади.
Масалан, 2024 йил апрель ойида Россия ҳарбий кучлари Киев вилоятидаги энг қувватли Трипол иссиқлик электр станциясига Х-69 ракетасини учирди. Оқибатда ИЭС бутунлай вайрон бўлди. Октябрь ойида Украинанинг Defense Express портали россияликлар кассетали жанговар қисмли Х-69 ракеталаридан фойдаланишни бошлаганини маълум қилди.
Сўнгги марта бундай ракеталарнинг йўқ қилингани ҳақида Украина армияси ҳаво кучлари 11 декабрь куни хабар берганди. Иккала снаряд ҳам Днепропетровск вилояти осмонида уриб туширилганди. “Замин” янгиликларини “Facebook”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
"Мевалар қироли" мангонинг саломатлик учун қандай фойдали хусусиятлари бор?
Конституциявий суд: Қурувчи ташкилотлар фаолияти устидан назоратни кучайтириш зарур
Исроилда бош вазир Бинямин Нетаняҳу устидан суд жараёни бошланди
Сурияда исёнчилар Башар Асаднинг отаси қабрини вайрон қилди
Тожикистоннинг Конибодомида бир оиланинг 6 аъзоси ўлдириб кетилди
Тадқиқот: Кунлик қаҳва истеъмоли умрни узайтириб, ҳаёт сифатини яхшилашга ёрдам беради
Башар Асаднинг яқин қариндоши осиб ўлдирилди
Сурия бош вазири ҳокимиятни исёнчиларга топширишга рози бўлди
