Дастлаб моҳир бодибилдер сифатида танилган, “Терминатор”, “Йиртқич” ва “Қизил жазирама” каби ажойиб жангари фильмлардаги роллари туфайли халқаро юлдузга айланган 77 ёшли Шварценеггернинг кўриниши унинг саломатлиги ёмонлашгани ҳақидаги турли миш-мишларга сабаб бўлди. Шварценеггер мухлислари Голливуд актёрининг соғлиғидан хавотирда, деб ёзади Kino.mail.ru.
Фото: Variety
Суратга олиш ишлари Нью Йоркда бўлиб ўтаётган “Қоп кўтарган одам” фильми учун актёр Санта Клаус образида намоён бўлди. Шварценеггернинг шаҳар кўчалари бўйлаб оғир ва жуда секин қадам босишини кўрган мухлислар бундан ҳайратда қолди.
Ижтимоий тармоқларда фойдаланувчилар “Актёр анча қариб қолибди”, “Арнольд 2 ойда 200 йилга қарибди”, “У ‘Терминатор’ фильмидаги вақт машинасини унутиб қолдирган кўринади”, “Шварценеггер Трампдан каттароқ кўринар экан”, дея турли изоҳлар қолдиришди.
Режиссёр Адам Шенкманнинг янги жанговар комедиясида Санта Клаус (Шварценеггер) сеҳрли қопини ўғирлаб кетишади. Ўғрини излаб топиш учун Санта йил давомида қулоқсиз бўлган ва ўзини ёмон тутган болалар рўйхатини қайта кўриб чиқади ва жиноятчини излаш учун ўзига митти ёрдамчини излашга тушади.
Фото: TMZ
Аввалроқ март ойида Арнольд Шварценеггерга юрак стимулятори ўрнатилгани ҳақида хабар берилганди. 76 ёшли актёр ташвишга тушган мухлисларига жавобан “ҳаммаси яхши” эканини билдирган эди. Сўнг сентябрь ойи бошларида Голливуд юлдузи Берлиндаги Hertie School хусусий университетининг фахрий доктори унвонини олган эди.
Маълумот учун, Арнольд Шварценеггер 1947 йил 30 июлда Австриянинг Тал шаҳрида туғилган. Дастлаб моҳир бодибилдер сифатида танилган актёр “Терминатор”, “Йиртқич” ва “Қизил жазирама” каби ажойиб жангари фильмлардаги роллари туфайли халқаро юлдузга айланган. 1966 йилда у “Дунёнинг энг келишган эркаги” танловида иккинчи ўринни эгаллаган ва 1967 йилда у мутлақ ғолиб бўлган. 2003 йилдан 2011 йилгача у Калифорния губернатори бўлиб ишлаган. Жуда кам ойлик олганига қарамай, Шварценеггернинг ўзи “ушбу вақтни ҳаётидаги энг яхши даври” деб ҳисоблайди. “Замин” янгиликларини “Youtube”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Россия Курск вилояти ва Украина шарқида ҳужумларни кучайтирмоқда
Путин Суриядаги вазиятдан фойда кўрган давлат номини айтди
Туркий давлатлар фейк ва дезинформацияга қарши биргаликда курашади
Ал-Жулоний: “Сурия Афғонистон эмас ва бўлмайди ҳам”
Шавкат Мирзиёев россиялик генералнинг ўлими муносабати билан Путинга ҳамдардлик билдирди
Исроилнинг қарийб 2 млн аҳолиси қашшоқликда кун кечирмоқда
Хитой ва Ҳиндистон Ҳимолайдаги ярим асрлик ҳудудий низони ҳал қилмоқчи
Украина яна бир йирик шаҳридан айрилиш арафасида...
