Грузияда собиқ футболчи президентликка киришди (видео)

^{Фото: Reuters}
Михаил Кавелашвили 29 декабрь куни Грузия президенти лавозимига киришди. Тбилисида янги давлат раҳбарининг инаугурация маросими бўлиб ўтди.

14 декабрь куни Кавелашвили 300 кишидан иборат сайлов ҳайъати томонидан 224 та овоз тўплаб, ушбу лавозимга лойиқ кўрилганди. Инаугурация Грузия парламентида бўлиб ўтди. Маросим вақти хавфсизлик чоралари кучайтирилди, хусусан, бинога кириш чекланди ва журналистлар учун дастлабки аккредитация ташкил этилди. Маросимда “Грузия орзуси” асосчиси Бидзина Иванишвили иштирок этди, бироқ “жойлар етишмаслиги” сабабли хорижий дипломатлар таклиф қилинмади.

Грузия собиқ президенти Саломе Зурабишвили янги давлат раҳбарининг қонунийлигини тан олмаслигини айтди. У дастлаб ўз лавозимини тарк этмоқчи эмаслигини билдирган. Бироқ инаугурациясидан сўнг президент саройини тарк этган. У “халқ билан қолишини” ва янги парламент сайловлари учун курашишини маълум қилган.

"Саройда бўламанми ёки ундан ташқаридами, менинг садоқатим ҳеч қачон ўзгармайди... мен сизлар билан, халқ билан бирга қоламан", деган Саломе Зурабишвили.

Грузиянинг янги президенти

Михаил Кавелашвили — собиқ футболчи, Грузия терма жамоаси ҳужумчиси, Тбилисининг “Динамо”, “Манчестер Сити”, “Спартак-Алания” клублари футболчиси; спортдаги фаолиятини 2006 йилда якунлаган.

Ставка на антизападника: чемпион России рвется в президенты Грузии - РИА Новости Спорт, 27.11.2024 2022 йилда парламент депутати сифатида у “Грузия орзуси”дан чиққан, парламент гуруҳини шакллантирган ва парламентдаги кўпчиликка айланган “Халқ кучи” асосчиларидан бўлган. Ушбу гуруҳ Ғарбга қарши баёнот билан чиққан ва 2023 йилда чет эл агентлари тўғрисидаги резонансли қонун лойиҳасини илгари сурган.

Ўша пайтда жамоатчилик норозилиги туфайли у бекор қилинган. Аммо 2024 йилда норозиликларга қарамай, барибир қабул қилинган, бу эса Грузиянинг Европа Иттифоқига қабул қилинишини тўхтатишга олиб келган. 2024 йилда “Халқ кучи” сиёсий партияга айланган ва Кавелашвили унинг сиёсий котиби лавозимини эгаллаган.