Фото: Reuters
Эрон Италияни “АҚШнинг гаровга олиш сиёсатини рад этишга” ва Вашингтон сўровига кўра Миланда ҳибсга олинган эронлик муҳандисни “озод қилиш учун зарур чораларни кўришга” чақирди.
Теҳрон ва Рим ўртасидаги икки томонлама муносабатлар Эрон фуқароси Муҳаммад Абединийнинг “АҚШ аралашуви” оқибатида қамоққа олиниши ортидан зарар кўриши мумкин, дея Эрон ТИВ Италия элчиси Паоло Амедейни огоҳлантирди.
АҚШ Адлия вазирлиги эронлик муҳандис ва яна бир эронлик фуқарони ўтган йил бошида Иорданиядаги АҚШ базасига дронлар зарбасини амалга оширишда фойдаланилган махфий технологияларни топширишда айблаган эди, ҳодиса оқибатида уч нафар америкалик ҳарбий ҳалок бўлган.
Абедений 2024 йилнинг 16 декабрь куни АҚШ талабига биноан Милан Малпенса аэропортида Италия расмийлари томонидан ҳибсга олинган.
Италиялик журналист Чечилиа Сала Эрон расмийлари томонидан 19 декабрь куни ҳибсга олинди, шу кундан буён диссидентлар сақланаётган Теҳроннинг машҳур Эвин қамоқхонасида ўтирибди.
Il Foglio кундалик газетаси мухбири Чечилиа Муҳаммад Абедий ҳибсга олинганидан уч кун ўтиб ҳибсга олинган.
"У 13 декабрь куни журналист визаси билан мамлакатга келган ва “ислом республикаси қонунларини бузганликда” айбланиб ҳибсга олинган", деб хабар беради IRNA. Уни нималарда айблашаётгани ҳозирча номаълум.
Италия ОАВлари Абединийни озод қилиш учун Эрон Салани айирбошлаш мақсадида ушлаб туришини тахмин қилмоқда. Эрон олий раҳнамоси вакиллари АҚШ иттифоқчиларидан “дунёнинг турли нуқталарида Эрон фуқароларини гаров сифатида ушлаб туришни” талаб қилаётганини таъкидлаган.
Милан апелляция суди Абединий Миландаги Опера қамоқхонасида қолиши ёки Америкага экстрадиция қилиш бўйича суд жараёни бошлангунга қадар уй қамоғида қолишини ҳал қилиши кутилмоқда. Мазкур масала 15 январда кўриб чиқилади.
АҚШ ҳукумати Абединийнинг илтимоси юзасидан очиқ изоҳ бермаган.
Эроннинг Италиядаги элчихонаси Теҳрон Саланинг ҳуқуқларини “кузатишини” ва Италиянинг Абединийга нисбатан ҳам худди шундай қилишини кутаётганини ёзган.
Журналистларнинг профессионал уюшмалари, жумладан, “Чегара билмас мухбирлар” ва “Халқаро журналистлар федерацияси” ҳамкасбларини дарҳол озод қилишга чақирмоқда. “Замин” янгиликларини “Twitter”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Хусийлар Исроилга йирик ҳужум ҳақида эълон қилди
Макрон: “АҚШ Россияни Украина бўйича музокаралар ўтказишга кўндириши керак”
Гвардиола “Манчестер Сити”нинг муваффақиятсизлиги сабабчиси ким эканини айтди
5 январда кечаси ва эрталаб бироз қор ёғиши мумкин
Аббосбек Файзуллаевни гранд клуб олиб кетади...
Блинкен: “АҚШ Украинага уруш бошланишидан олдин яширинча қурол беришни бошлаган”
Кўп сув ичиш организм учун қай даражада фойдали?
Тўқаев давлат газетасига интервю бериб, Назарбоевни очиқ танқид қилди
