$500 миллиардлик сунъий интеллект лойиҳаси: Stargate эълон қилинди

АҚШда сунъий интеллект инфратузилмаси учун $500 миллиард: Трамп "Stargate" лойиҳасини эълон қилди.
OpenAI, Oracle ва SoftBank Техасда сунъий интеллектни ривожлантириш учун бирлашди.

21-январ куни АҚШ президенти Дональд Трамп "Stargate" номли ҳамкорликдаги лойиҳани эълон қилди. Ушбу лойиҳа сунъий интеллект билан боғлиқ инфратузилма учун $500 миллиардгача инвестиция қилишни режалаштирмоқда. Лойиҳа OpenAI, Oracle ва SoftBank компаниялари томонидан амалга оширилади.

Оқ Уй маълумотларига кўра, Stargate Техасда сунъий интеллектни ривожлантириш учун маълумот марказлари ва энергия инфратузилмаси қуришни бошлайди. Дастлабки инвестициялар $100 миллиардни ташкил этади ва бу миқдор беш бараварга етиши мумкин.

«Бу улкан маблағ ва юқори сифатли одамлар», – деди Трамп. У лойиҳа Америка салоҳиятига ишончнинг белгиси эканлигини таъкидлади.

Трамп билан бирга Оқ уйда SoftBank асосчиси Масайоши Сон, OpenAI раҳбари Сем Алтман ва Oracle бошлиғи Ларри Эллисон ҳам иштирок этди. Эллисон лойиҳани шахсий тиббиёт технологиялари, хусусан, индивидуал вакциналар яратишда янги имкониятлар билан боғлади.

Лойиҳа режаси дастлаб 2024-йилда ишлаб чиқилган ва Байден маъмурияти давридан бошланган эди. Шунингдек, лойиҳа Microsoft, Arm, NVIDIA ва MGX каби бошқа ҳамкорларни ўз ичига олади. “Замин” янгиликларини “Telegram”да кузатиб боринг