АҚШ президенти маъмурияти европалик амалдорларга Пасхагача (20 апрел) Украинада ўт очишни тўхтатишга эришиш режалаштирилаётганини маълум қилди, деб ёзади Bloomberg.
Ғарб амалдорлари кейинги ҳафта Саудия Арабистонида АҚШ ва Россия вакиллари музокараларга тайёргаликни бошлаган тақдирда ҳам юқоридаги муддатда ўт очишни тўхтатишга эришишни «жуда амбицияли ва нореал», деб баҳоламоқда. Агентлик манбаларидан бирининг айтишича, Россия—Украина урушини якунлаш эҳтимоли кўпроқ бўлган муддат — бу йил охири ҳисобланади.
Аввалроқ «Страна.uaа» урушни 100 кун ичида якунлаш режасини эълон қилганди — унда Пасха кунларида ўт очишни тўхтатиш, Украина қуролли кучларини Курск областидан олиб чиқиш ҳамда 9 майгача тинчлик декларацияси тузилиши кўрсатилган. Украина президенти офиси эса материални «россияликлар тарқатадиган сафсата» деб атаган.
Яқинлашиб келаётган музокаралар фонида Европа давлатларига Украинага йирик ҳарбий ёрдам пакети устида иш болиб бормоқда. Bloombergʼга кўра, қўллаб-қувватлов бўйича аниқ режалар 2025 йил 23 февралга қадар — Германияда навбатдан ташқари парламент сайловлари тугамагунгача эълон қилинмайди.
Доналд Трамп 12 феврал куни Владимир Путин ва Володимир Зеленский билан телефон орқали мулоқот қилиб, Россия—Украина урушини тўхтатиш тўғрисидаги музокараларни бошлашга келишиб олганини эълон қилди. Зеленский бир неча бор Украина иштирокисиз ҳеч қанақа тинчлик музокараларни бўлмаслигини таъкидлаган.
Ctrl
Enter
Хато топдИнгизми
Иборани ажратиб Ctrl+Enter тугмасини босингМавзуга оид янгиликлар
