Хитой тинчликпарвар кучлари Украинага бориши мумкин

^{Фото: Xinhua}
Ўт очишни тўхтатиш бўйича келишувга эришилгандан кейин, агар зарурат бўлса, Хитой Украинага тинчликпарвар контингентини юбориши мумкин. Бу ҳақда Хитойнинг Сингҳуа университети қошидаги Халқаро хавфсизлик ва стратегия марказининг катта илмий ходими, Хитой армиясининг собиқ полковниги Чжоу Бо Мюнхен хавфсизлик конференцияси доирасида Ҳонконгнинг South China Morning Post (SCMP) газетасига берган интервьюсида айтди.

Унинг сўзларига кўра, агар Украинадаги тинчликпарвар кучлар нафақат НАТО мамлакатлари, балки Ҳиндистон каби бошқа давлатлар вакиллари бўлса, у ҳолда Хитой ҳам ҳарбийларни юбориши мумкин бўлади.

Жанглар тугаганидан кейин тинчликни сақлаш учун халқаро саъй-ҳаракатларга ҳисса қўшиш мақсадида Хитой «етарлича аскарлар ва ҳарбий кучга эга», деди жаноб Бо. «Агар тинчликпарварлик амалиётлари фақат Европа давлатлари томонидан бажарилса, Россия буни НАТО иштирокининг яна бир шакли сифатида кўриши мумкин», деб қўшимча қилди у.

Аввалроқ The Economist нашри, номи ошкор этилмаган америкалик мулозимларга кўра, Украинада ўт очишни тўхтатиш келишувига эришилса, у ерда тинчликпарвар сифатида нафақат Европа давлатларидан, балки, масалан, Бразилия ёки Хитойдан ҳам ҳарбий хизматчилар қатнашса яхши бўларди, деб ёзган эди. “Замин” янгиликларини “Telegram”да кузатиб боринг