Папа Францискнинг соғлиғи оғирлашди

Папа Рим Францискнинг соғлиғи оғирлашди, деб Ватиканнинг матбуот хизмати хабар берди. У паст тромбоцитлар даражаси туфайли қон қуйиш амалиётидан ўтди.

Маълумотларга кўра, 88 ёшли понтифик ўзини ёмон ҳис қилмоқда, гарчи ҳушёр бўлса-да, у кўп миқдорда кислородга муҳтож. Шифокорлар унинг анемия сабабли тромбоцитлари камайгани учун қон қуйиш амалиётини ўтказди.

Мутахассисларнинг таъкидлашича, Папа Францискнинг аҳволи оғир бўлиб қолмоқда, аммо у ҳозирча хавфдан ташқарида. Шунга қарамай, шифокорлар эҳтиёткорона ёндашмоқда. У 14 февралдан бери Римдаги "Агостино Гемелли" шифохонасида икки томонлама пневмониядан даволанмоқда.

Шунингдек, 21 феврал куни Папа Франциск соғлиғи сабабли тахтдан воз кечиши мумкинлиги ҳақида хабарлар пайдо бўлди. Кардинал Жанфранко Равази, аввалги Папа Бенедикт XVI каби, у ҳам истеъфо бериши мумкинлигини билдирди. Шунга қарамай, у 2025 йилда бўлиб ўтадиган Рим-католик черковининг Христианлик юбилей йилини охирига етказиш ниятида.

“Замин” янгиликларини “Telegram”да кузатиб боринг