Зеленский: Лондонда Украина хавфсизлик кафолатларини муҳокама қилдим

^{Фото: Украина президенти офиси}
Украина президенти Володимир Зеленский Европа саммитида ҳамкорлари билан Украина бўйича «хавфсизлик кафолатлари ва адолатли тинчлик шартлари»ни муҳокама қилганини айтди. Зеленский тегишли хабарни 2 март, якшанба куни ўзининг Telegram-каналида жойлаштирди.

«Биз яқин келажакда бир қатор муҳим учрашувлар ва қарорлар тайёрлаяпмиз», — деди у.

АҚШ билан ҳамкорлик учун асос тайёрлаш

«Биз барчамиз Европада чинакам тинчлик ва кафолатланган хавфсизлик йўлида Америка билан ҳамкорлик қилиш учун ишончли асос яратиш бўйича бирга ишлаяпмиз», — дея қўшимча қилди Украина раҳбари.

Зеленскийнинг сўзларига кўра, «Европа бирлиги жуда юқори даражада, бу узоқ вақтдан бери кузатилмаган».

Айни пайтда Болтиқбўйи мамлакатлари саммитга таклиф қилинмаган. Улар буни ҳеч қандай тарзда очиқ танқид қилишмади. Бироқ, Литва президенти маслаҳатчиси Аста Скаисгирйте-Ляушкене «бизни Лондонга таклиф қилишмаганидан норозимиз» деб айтди, дея хабар беради AP агентлиги.

«Украинада барқарор ва кафолатланган тинчлик ўрнатиш йўлидаги саъй-ҳаракатлари учун барча дўстларимиз ва ҳамкорларимиздан миннатдорман», — дея хулоса қилди Володимир Зеленский. “Замин” янгиликларини “Telegram”да кузатиб боринг