Хитойда ажрим жараёнларидан бири ғаройиб ҳолат билан якунланди. Бир аёл собиқ турмуш ўртоғидан уй ишларини бажарган йиллари учун товон пули талаб қилди. У 7 минг доллар сўраган, аммо суд унга 35 минг доллар бериш ҳақида қарор чиқарди. Бу ҳақда The China Morning Post нашрига таяниб “Правила жизни” хабар берди.
Ажримга олиб келган ҳолатлар
Эр-хотин 2011 йилда турмуш қурган ва фарзандли бўлган. Бироқ, 2022 йил октябрь ойида боланинг таълими масаласида жиддий баҳслашиб, охир-оқибат аёл ажрим аризасини берган.
Ажрим жараёнида Ху исмли аёл қизи устидан васийлик ҳуқуқини олишни, умумий мулкни тенг бўлишишни ва уй ишлари учун 7 минг доллар товон пули тўлашни талаб қилган. У уй юмушлари ва бола парвариши билан фақат ўзи шуғулланганини таъкидлаб, эридан ҳеч қандай ёрдам олмаганини айтган.
Суд уй ишларининг қийматини тан олди
Суд иши давомида судья ёрдамчиси Хитой қонунларини асос қилиб олиб, шундай қарор чиқарди: "Уйдаги барча ишлар эр-хотин ўртасида тенг тақсимланиши керак."
Хитой фуқаролик кодексига мувофиқ, агар никоҳ давомида томонлардан бири уй ишлари ва болалар тарбиясига кўпроқ вақт ажратса, ажрим вақтида иккинчи томон унга товон пули тўлаши шарт.
Натижада, суд 7 минг доллар ўрнига 35 минг доллар товон пули тўлаш ҳақида қарор чиқарди. Бу қарорга эътироз билдириш мумкин эмас.
Ҳуқуқий аҳамияти
Бу қарор Хитойда уй ишлари ва бола тарбияси меҳнат сифатида тан олинаётганидан далолат беради. Уй юмушларини асосий масъулият деб ҳисобламайдиган жамиятларда бундай мисоллар камдан-кам учрайди.
Хитойдаги ушбу суд қарори никоҳда уй ишлари ва бола парвариши ҳақидаги анъанавий қарашларни қайта баҳолашга чорлайди. Суд аёлга талаб қилганидан беш баравар кўпроқ товон пули тайинлади ва бу ҳолат мамлакатда келгусидаги ажрим ишларига таъсир ўтказиши мумкин. “Замин” янгиликларини “Telegram”да кузатиб боринг
Ctrl
Enter
Хато топдИнгизми
Иборани ажратиб Ctrl+Enter тугмасини босингМавзуга оид янгиликлар
