АҚШ президенти Дональд Трамп Оқ уйда ўтказган матбуот анжуманида Украина ва Россия ўртасида ҳудудлар бўйича келишув ва оташкесим бўйича музокаралар “ҳозирнинг ўзида” давом этаётганини маълум қилди, деб Tengrinews.kz РБК нашрига таяниб хабар берди.
Трампнинг сўзларига кўра, музокаралар ҳозирда тўлиқ тинчликка эришиш ва Украинадаги урушни тугатиш мақсадида олиб борилмоқда. У “жуда яқин вақтда” оташкесим эълон қилиниши мумкинлигини билдирди ва “кейин эса келишувга эришилади”, деб таъкидлади. Унга кўра, бу келишув ҳудудлар бўлиниши, фронт чизиқлари ва яна бошқа масалаларни қамраб олади.
Трамп, шунингдек, айрим фронт участкаларда уруш ҳаракатлари аллақачон тўхтаганини ва бу тинчлик шартлари яхши риоя этилаётганини қўшимча қилди. У Путин ва Зеленский билан олиб борган шахсий мулоқотлари натижасида келишув асослари шаклланганини билдирди. “Мен улар билан яхши мулоқот қилдим ва келишувнинг чегаралари аниқ бўла бошлади”, — деди у.
18 март куни Дональд Трамп ва Владимир Путин телефон орқали суҳбатда Украина энергетика инфратузилмасига зарбалар беришни вақтинча тўхтатишга келишиб олган. Киев бу таклифни қўллаб-қувватлаб, 30 кунлик мораторийни қабул қилган. Шундан сўнг, Путин Россия ҳарбийларига Украинадаги энергетик объектларга зарбаларни тўхтатиш буйруғини берган.
Ctrl
Enter
Хато топдИнгизми
Иборани ажратиб Ctrl+Enter тугмасини босингМавзуга оид янгиликлар
