АҚШ президенти Дональд Трамп Ўзбекистондан олиб кириладиган товарларга бож тўлови жорий қилди, деб nova24.uz Associated Press’га таяниб хабар берди. Ушбу чора яна 185 та мамлакатга тааллуқли бўлиб, улар орасида Ўзбекистон ҳам бор.
Трампнинг сўзларига кўра, АҚШ томонидан белгиланган тарифлар бошқа давлатлар қўллаётган божлардан икки баробар кам бўлади. Масалан, Европа Иттифоқидан олиб кириладиган товарларга 20%, Хитойдан — 34%, Буюк Британия ва Украинадан — 10% бож тўлови жорий этилган. Россия ушбу рўйхатда йўқ.
Марказий Осиё давлатлари учун белгиланган бож тўлови қуйидагича:
Қозоғистон — 27%
Ўзбекистон — 10%
Туркманистон — 10%
Қирғизистон — 10%
Тожикистон — 10%
2025 йил 5 апрелдан бошлаб барча давлатлар учун минимал бож 10% этиб белгиланади. Шунингдек, 3 апрелдан автомобил импорт қилишда 25% бож тўлови жорий этилди. 3 майдан кечикмасдан АҚШда ишлаб чиқарилмаган автозапчасталар учун ҳам бож татбиқ этилади.
Ctrl
Enter
Хато топдИнгизми
Иборани ажратиб Ctrl+Enter тугмасини босингМавзуга оид янгиликлар
