Хитой Ўзбекистонга авиақатновлар сонини оширмоқчи

Ўзбекистон ва Хитой ўртасидаги авиақатновлар сони кўпайтирилиши режалаштирилмоқда, деб хабар берди Uzbekistan Airports матбуот хизматига таяниб nova24.uz сайти.

Uzbekistan Airways ва Хитойнинг China Southern Airlines компанияси ўртасида музокаралар ўтказилди. Унга кўра, Хитой томони мавжуд йўналишлар бўйича парвозлар сонини ҳафтасига 7 мартагача кўпайтиришни кўриб чиқмоқда.

Ҳозирда Тошкент–Пекин йўналиши бўйича ҳафтасига 4 марта, Тошкент–Урумчи эса 5 марта рейслар амалга оширилмоқда.

Шунингдек, Uzbekistan Airports томонидан Хитойнинг бошқа шаҳарларига Андижон, Наманган ва Фарғона аэропортларидан янги рейслар очиш таклифи берилди.

Эслатиб ўтамиз, яқинда Тошкент–Тель-Авив йўналишида Centrum Air компанияси томонидан Airbus A320 самолётида ҳафтасига икки марта тўғридан-тўғри рейслар йўлга қўйилиши маълум қилинган эди. “Замин” янгиликларини “Telegram”да кузатиб боринг