Папа Франциск касалхонадан кейин илк бор жамоат олдида кўринди

Папа Франциск икки ҳафта аввал касалхонадан чиққандан кейин илк бор жамоат олдида кўриниш берди, euronews.com/tr ёзишича. У Ватиканда ўтказилган махсус Жубилей маросимида қатнашди.

Папа Ариз Петрус майдонида ташкил этилган махсус жамоат ибодатида ногиронлар аравачасида саҳнага чиқди. У одамларга қўл силкиб, "Ҳаммага яхши якшанба тилайман. Юрагим тубидан раҳмат айтаман", деди.

Папанинг овози 23 март куни Гемелли касалхонаси олдида сўзлаганидагидан анча баланд ва кучли эшитилди. У ўша пайтда ҳаётига хавф солган пневмония билан беш ҳафта даволанган эди.

Папа ёзган, аммо архиепископ Рино Физикелла томонидан ўқиб эшиттирилган Ангелус дуосида, у шундай деди:
"Шифокорлар, ҳамширалар ва соғлиқни сақлаш ходимлари учун дуо қиламан. Улар ҳар доим ҳам муносиб шароитда ишламайдилар, баъзан ҳужумларга ҳам учрайдилар."

"Уларнинг вазифаси осон эмас, улар қўллаб-қувватланиши ва ҳурматга сазовор бўлиши керак. Соғлиқни сақлаш тизимлари камбағаллар ва энг нозик тоифаларга нисбатан ҳассос ва инклюзив бўлиши учун етарли ресурслар ажратилишини умид қиламан."

Папа шунингдек, унга тез шифо тилаб Ребиббия аёллар қамоқхонаси маҳкумалари томонидан юборилган открыткага ҳам миннатдорлик билдирди. "Мен улар ва оилалари учун дуо қиламан", деб ёзди у ва Мьянма ҳамда Гаитида тинчлик ва ёрдам тилади.