Hanshin Ўзбекистонда фармацевтика кластери қуришни бошлайди

Жанубий Кореянинг Hanshin корпорацияси Ўзбекистонда фармацевтика кластери қуриш бўйича тендерда ғолиб чиқди, деб Kursiv.media хабар берди.

Кластер Тошкентнинг жануби-шарқий ҳудудида жойлашади. Лойиҳанинг умумий қиймати 70,2 миллиард вонни (47,2 миллион доллар) ташкил этади. Ундан 38,6 миллиард вонни (26 миллион доллар) Hanshin компанияси ўз маблағлари ҳисобидан сарфлайди.

Hanshin 1950 йили ташкил этилган бўлиб, уй-жой ва саноат объектлари қурилиши билан шуғулланади.

Жорий йил апрель ойида Жанубий Кореядан Ўзбекистонга тендерларда иштирокни қўллаб-қувватлаш мақсадида расмий делегация ташриф буюрган эди. «Замин»ни Telegram’да ўқинг!