10 фунтга харид қилинган картина 1 миллион фунтга сотилиши мумкин — 100 йиллик тарих ортидаги ҳикоя

Британияда бир қариндошлик оиласи томонидан тахминан 100 йил аввал 10 фунтга харид қилинган картина бугун аукционда 1 миллион фунтга сотилиши мумкин. Бу ҳақда The Guardian нашри хабар берди.

Гап машҳур британиялик рассом Лоуренс Стивен Лоуррининг “Going to the Mill” номли картинаси ҳақида кетмоқда. Қизиғи шундаки, бу картина 1926 йилда рассом ҳали ҳеч кимга номаълум бўлган пайтда The Guardian муҳаррири Артур Уоллес томонидан сотиб олинган.

Ҳаддан зиёд баланд нарх — ва бонус картина
Артур Уоллеснинг набираси Кит Уоллеснинг айтишича, Лоурри бу асарни 10 фунтга сотганида, ўзининг нарх белгилашда “ҳаддан ошиб кетгани”дан қийналган ва Уоллесга иккинчи картинасини ҳам совға қилган.

Орадан юз йилга яқин вақт ўтиб, Уоллеснинг авлодлари ушбу тарихий асарни аукционда сотишга қарор қилди. Картина 2025 йил май ойида Лондон шаҳридаги Lyon & Turnbull аукцион уйи орқали савдога қўйилади.

Рассомнинг имзо услуби — биринчи маротаба
Санъатшунос Саймон Ҳакернинг таъкидлашича, ушбу картина Лоуррининг ижодидаги дастлабки ва алоҳида аҳамиятга эга асарлардан бири:

“Бу тегирмон, дудбўрон, гумбазсимон том ва деразали девор — айнан мана шу элементлар кейинги 30 йил давомида Лоурри асарларининг асосий белгисига айланади”, — дейди Ҳакер.

Картина 2013 йилгача суғурталанмаган бўлган
Кит Уоллес яна бир қизиқ маълумотни ошкор қилди: “Going to the Mill” асари онасининг уйида осилиб турган, ва 2013 йилгача ҳеч қачон суғурта қилинмаган. Фақат 80 йилдан кейин — илк бор — картина Британиянинг Чичестер шаҳридаги галереяда намойиш этилган.

100 йил аввал номаълум рассомдан 10 фунтга харид қилинган асар бугун 1 миллион фунтга баҳоланаётгани — санъатнинг ҳақиқий қийматини вақт кўрсатишини исботлайди. Балки, сиз ҳам уйингизда осилиб турган эски картинага янгича назар соларсиз? «Замин»ни Telegram’да ўқинг!